କୃଷକ
      ==========
ଯାନ୍ତ୍ରିକ ଯୁଗରେ  କୃଷି ବିମୁଖତା 
    ଛାଡୁନାହିଁ  ଆମ ପିଛା
ସେଥିପାଇଁ ଆଜି  କୃଷକ ହେବାକୁ
    କରନ୍ତିନି କେହି ଇଚ୍ଛା...
ତଥାପି ମୋ ମନେ  ଏ ହୀନ ମନ୍ୟତା
      ଆଜି ଯାଏଁ ଆସି ନାଇଁ
ସେଥିପାଇଁ ମୁହିଁ  ପଣ କରିଅଛି
      କୃଷକଟେ ହେବା ପାଇଁ...
କୃଷକଟେ ହୋଇ  ଉତ୍ସର୍ଗୀ ମନରେ
       କରିବି ମୁଁ ଅନ୍ନଦାନ
ନ ମିଳୁ ପଛକେ ପ୍ରୋତ୍ସାହନ ରାଶି
     ଅବା କିଛି ଅନୁଦାନ...
ନୁଖୁରା ମାଟିରେ  ପଳାଇବି ସୁନା
      ମୁଣ୍ଡ ଝାଳ ତୁଣ୍ଡେ ମାରି
ଖରା ବରଷାକୁ  ଖାତିରି ନ କରି
       ବିଲେ ଯିବି ହଳ ଧରି...
ସଂସାର ଭୋକକୁ  ମେଣ୍ଟାଇବା ପାଇଁ
        ଖଟିବି ମୁଁ ପଶୁତୁଲ୍ୟ
ବୁଝୁ କି' ନ ବୁଝୁ ଏ ସଭ୍ୟ ସମାଜ
       ମୋ ଶ୍ରମର ମହାମୂଲ୍ୟ...

ରାମ ଚନ୍ଦ୍ର ପ୍ରଧାନ, ଶିକ୍ଷକ
ସାନ୍ତରାପଲ୍ଲୀ, ଗଞ୍ଜାମ
ମୋ :9861638736