=  ☆  ରାକ୍ଷୀ  ☆=
ଭାଇ ଭଉଣୀର       ସ୍ନେହ ବନ୍ଧନର
     ପ୍ରତୀକ ଅଟଇ ରାକ୍ଷୀ
ଭାଇ ଥିଲେ ଯା'ର    ଭଉଣୀଟା ପରା
     ନୁହେଁ କେବେ ନିରିମାଖି ।
ଏକଦା ଶ୍ରୀକୃଷ୍ଣ       ଆଙ୍ଗୁଠିରୁ ଜାଣ
       ବହିଲା ରକତ ଧାର
ପଣତକୁ ଚିରି        ପାଣ୍ଡବଙ୍କ ନାରୀ
       ବାନ୍ଧିଦେଲା ଆଙ୍ଗୁଠିର ।
ଦୁଷ୍ଟ ଦୁ:ଶାସନ      ସଭା ମଧ୍ଯେ ଜାଣ
         କରିଲା ବସ୍ତ୍ର ହରଣ
କୋଟି ବସ୍ତ୍ର ଦେଇ    ନିଜେ ଭାବଗ୍ରାହୀ
       ରଖିଲେ ଦ୍ରୌପଦୀ ମାନ ।
ଦିନେ ହୁମାୟୁନ       ରାଜା ଯେ ଯବନ
        କରିବାକୁ ଆକ୍ରମଣ
ସାଥେ ସେନା ନେଇ     ବାହାରିଲେ ସେଇ
       ରାଜପୁତ ରାଜ୍ଯ ଜାଣ ।
ରାଣୀ କର୍ମବତୀ       ପଠାଇଲେ ରାକ୍ଷୀ
        ଚକିତ ଯେ ହୁମାୟୁନ
ସେନା ଯେତେ ଥିଲେ    ବାହୁଡ଼ାଇ ନେଲେ
      ରଖିଲେ ରାକ୍ଷୀର ମାନ ।
ଜଗତ ଜନଙ୍କୁ        ବାରତା  ଦେବାକୁ
        ଭାଇ ଭଉଣୀ ବନ୍ଧନ
ଭଉଣୀ ସହିତେ       ଲୀଳା ରଚୁଛନ୍ତି
        ସେ ପ୍ରଭୁ ଚକାନୟନ  ।
ରେଶମର ଡୋରି       ନୁହେଁ ଖାଲି ରାକ୍ଷୀ
          ସ୍ନେହ ପ୍ରେମର ବନ୍ଧନ
ଭାଇ ଭଉଣୀର          ପବିତ୍ର  ଭାବର
          ସାକ୍ଷୀ ଏ ରକ୍ଷା ବନ୍ଧନ ।
***************************

ଶିବ ପ୍ରସାଦ ହାତୀ
ବିଜାଢୋଲ,ଝାରବନ୍ଧ,ବରଗଡ଼