ରାକ୍ଷୀ - ପୀତାମ୍ବର ମାଝୀ , ନୁଆପଡା

     --------- ରାକ୍ଷୀ --------

ବଳଦେବଙ୍କର ଜନ୍ମ ଦିନ ଆଜି 

           ପବିତ୍ର ରାକ୍ଷୀ ପୁନେଇ, 

ତାଙ୍କରି ପୟରେ ଭଉଣୀ ମନାଶେ 

           ଭାଇର ଆଶିଷ ପାଇଁ l

କେତେ ଧୂପ ଦୀପ ଫୁଲ ଓ ଚନ୍ଦନ 

          ପୂଜା ଥାଳିରେ ସଜେଇ, 

ଅପେକ୍ଷାରେ ଥାଏ ଭଉଣୀଟିଏ ତ 

          ଭାଇର ବାଟକୁ ଚାହିଁ l

ରାକ୍ଷୀ ବାନ୍ଧି ହେଲେ ଭଉଣୀ ହାତରୁ 

          ଭାଇର ବଢ଼ଇ ଟେକ, 

ଭାଇର ଜୀବନ ରାକ୍ଷୀ ପୁନେଇରେ 

          ହୁଅଇ ପରା ସାର୍ଥକ l

ସ୍ନେହ ଓ ପ୍ରେମର ଅଟଇ ବନ୍ଧନ 

          ପାଳଇ ସାରା ସଂସାର, 

ଏ ସାରା ଜଗତେ ଅଟେ ଏ ପବିତ୍ର 

           ପ୍ରେମ ତ ଭାଇ ଭଉଣୀର l

ଭାଇ ଭଉଣୀର ସମ୍ପର୍କ ଇଏ ତ 

           ଆସେ ବରଷକ ଥରେ 

ଯେଉଁ ହାତେ ରାକ୍ଷୀ ବାନ୍ଧେ ତ ଭଉଣୀ 

            ସେ ହାତଟି ରକ୍ଷା କରେ l

ପୀତାମ୍ବର ମାଝୀ , ଭରୁଆମୁଣ୍ଡା, ନୂଆପଡ଼ା