କୃଷକ

କୃଷକ ଭାଇରେ କୃଷକ ଭାଇ 
ପାହାନ୍ତି ପହରେ ଯାଉଛ କାହିଁ? 

ଚାଷ ତରତର ବଣିଜ ମଠ 
ସେଥିପାଇଁ ପରା ଅଟେ କର୍ମଠ l

କୃଷି ପରା ଅଟେ ମୋର ବେଉସା 
ସେଇ ଏକା ମୋର ସାହା ଭରଷା l

ବଳଦ ଲଙ୍ଗଳେ କାମ ମୋହର 
ମାଟି କାଦୁଅରେ ହୁଅ ସରସର l

ସୂରୁଜ ପୂର୍ବରୁ ଉଠଇ ମୁହିଁ 
ସୂରୁଜ ଗଲେ ମୋ କାମ ସରଇ l

କିବା ଖରା, ବର୍ଷା, କି ଅବା ଶୀତ 
ମୋ ବେଉସାରେ ଏ ସଭିଏଁ ମିତ l

ମାଛ ମାଉଁସରେ ନଥାଏ ଆଶା 
ମୋ ପାଇଁ ପ୍ରିୟ ମୋ ପଖାଳ କଂସା l

ସୁଜଳା ସୁଫଳା କରେ ମୁଁ ଭୂଇଁ 
ଟାଙ୍ଗରା ଭୂଇଁରେ ସୁନା ଫଳଇ l

ମୁଁ ବସିଗଲେ ଅନର୍ଥ ହୋଇବ 
ଭୋକିଲା ତୁଣ୍ଡେ କେ ଆହାର ଦେବ? 

 କୃଷକକୁ ଛୋଟ ଭାବିବୁ ନାହିଁ 
ଦେଶ ବିକାଶର ନାୟକ ସେହି l

ମୋ ପାଇଁ ବାଜୁଛି ଦେଶେ ସ୍ଲୋଗାନ 
ଜୟ ଯବାନ କୁ ଜୟ କିଷାନ l

ମୋ ଜାତିର ଋଣ ମୋହ  ଉପରେ 
ନରହୁ କେହି ଭୋକ ଉପାସରେ l

ଆଜୀବନ ବିଲେ  ସାଜି ସୈନିକ 
ରଖିବି ନିଶ୍ଚେ ମୋ ଭାରତ ଟେକ l

ତା ପାଣି ପବନେ ମୋ ଜୀବନ 
ରଖିବି ନିଶ୍ଚେ ମୁଁ ତା ସନମାନ l

ତୋ ଭାବ ବୁଝିଲି କୃଷକ ଭାଇ 
ତୋ ଠୁ ବଳି କେହି ଜଗତେ ନାହିଁ l

ସମ୍ପୂର୍ଣ୍ଣ ବିଶ୍ବର ତୁ ଅନ୍ନଦାତା 
ସାହା ତତେ ଏକା ପୃଥିବୀ ମାତା l


                                          ଆଦ୍ୟାଶା ନନ୍ଦ 
                                            ଭୁବନେଶ୍ୱର